有古怪

小二小朋友看一篇前言不對後語的短文，叫他們找出文中古怪的地方，他們發現古怪地方時的反應很是有趣。
天真小朋友：「哈哈，好好笑啊，呢種故事好得意啊，仲有冇啊？」（有個見到媽媽仲要興奮地覆述故事兼kaka聲咁笑，阿媽完全聽唔到佢講乜。）
認真小朋友：「咦，呢度明明話咁咁咁架喎，依度又咁咁咁，好怪喎。點解會咁架？無理由啊…點解呢？」（之後不斷追問點解…）
疑心大小朋友：「呢個字好似多佐一點……同埋呢度好似漏佐個逗號。」
老氣橫揪小朋友：「呢度都唔make sense既……」
頂心杉小朋友：「呢個故事邊個寫o架？佢係咪傻o架？係咪你寫o架？」

所厠

今早經過一個公厠，見到傷健人士的洗手間門口上面刻著TOILET，並標上「所厠」。我竟然想了超過半首歌的時間才想到那是甚麼意思……果然係咪瞓醒。

你唔好要我啊…

路過一間琴行，見到一名五歲左右的小男孩奪門而出，向還在琴行裏的媽媽大聲呼喝：「你唔好要我啊！」接著小男孩在門口大哭起來。媽媽追出來一臉惘然，想捉著小男孩，小男孩在推開媽媽的手繼續哭著說：「你唔好要我啊……」哭得很淒涼。

AMOS vs CMOS

由於我很多很多年前是主修計算機工程的，所以大部份心理學同學都以為我甚麼程式也會編寫，甚麼數據分析程式也會學過。今天上課時，我們學一種新的程序AMOS...

同學：你以前有無學過AMOS (音：A-mos) 啊？

我：無喎，CMOS (音：C-mos)就學過。

同學（認真）：咦，咁有無BMOSo架？

反應

小二小朋友看一篇前言不對後語的短文，叫他們找出文中古怪的地方，他們發現古怪地方時的反應很是有趣。
天真小朋友：「哈哈，好好笑啊，呢種故事好得意啊，仲有冇啊？」（有個見到媽媽仲要興奮地覆述故事兼咔咔聲咁笑，阿媽完全聽唔到佢講乜。）
認真小朋友：「咦，呢度明明話咁咁咁架喎，依度又咁咁咁，好怪喎。點解會咁架？無理由啊…點解呢？」（之後不斷追問點解…）
疑心大小朋友：「呢個字好似多佐一點……同埋呢度好似漏佐個逗號。」
老氣橫揪小朋友：「呢度都唔make sense既……」
頂心杉小朋友：「呢個故事邊個寫o架？佢係咪傻o架？係咪你寫o架？」

要「有十萬個like俾班插班生睇」！

呢排學校o黎佐好多插班生，有D成日搞搞震，好鬼煩。之前學校話小六畢業會送玩具俾所有同學，我依家先小三，咁咪有排等？啱啱學校又話依家就可以送玩具俾由小一開始o係度讀既同學仔。好野！咦，o個幾個成日搞搞震既插班生o係度嘈話點解佢地無份喎…Yeah!等我o地係門口掛條banner寫住「插班生冇得扲玩具，這是原校生獨有的福利，要有十萬個like俾班插班生睇。」先！

如果你係一個乖既插班生，你會有乜野感覺？

其實大家身邊沒有新移民朋友嗎？我觀察是，新移民朋友對這件事沒有特別大的不滿，反而是港人自我感覺良好，實在好難過。

噢，你沒有自我感覺良好嗎？對，我應該說「有些」港人……當我們將一個群體標籤，很容易會覺得他們個個也是一樣的（stereotype）。你喜歡被人叫港女宅男港孩80後等等嗎？若你是新移民，勤力工作，本來說mpf有六千元，突然沒有了，有點失望，不過亦明白自己的確沒有3粒星，豈料回家上網還要見到句咁腰心腰肺既「要有十萬個like俾班新移民睇」，你會有何感覺？希望某些香港人可以將心比己吧。